Изъ утробы Iону младенца изблева морсккий
звѣрь, якова пріятъ: въ Дѣву же всельшееся Слово,
и плоть пріемшее, пройде сохраншее нетлѣнну.
Егоже бо не пострада истлѣнія, рождшую
сохрани неврежденну.
Отроцы благочестію совоспитани,
злочестиваго велѣнія небрагше,
огненнаго прещенія не убояшася,
но прсреди пламене стояще пояху:
отцевъ Боже благословенъ еси.
Хвалимъ, благословимъ, покланяемся Господеви,
поюще и превозносяще во вся вѣки.
Чуда преестественнаго росодательная изобрази
пещь образъ: не бо яже пріятъ палитъ юныя,
яко ниже огнь божества Дѣвы,
въ нюже вниде утробу. Тѣмъ воспѣвающе
воспоемъ: да благословитъ тварь вся Господа,
и превозноситъ во вся вѣки.